ICE ਨੇ ਐਕਸ (ਪਹਿਲਾਂ ਟਵਿੱਟਰ) ‘ਤੇ ਇੱਕ ਪੋਸਟ ਵਿੱਚ ਕਿਹਾ, “ਵੋਡੇਲਾ ਯਸ਼ਸਵੀ ਕੋਟਾਪੱਲੀ ਭਾਰਤ ਤੋਂ ਆਇਆ ਇੱਕ ਅਪਰਾਧਿਕ ਗੈਰ-ਕਾਨੂੰਨੀ ਵਿਦੇਸ਼ੀ ਹੈ। ਉਸ ‘ਤੇ ਨਿਊ ਜਰਸੀ ਵਿੱਚ ਸੈਕਸੁਅਲ ਅਸਾਲਟ ਅਤੇ ਚੋਰੀ ਦੇ ਚਾਰਜ ਪੈਂਡਿੰਗ ਹਨ। ਅਸੀਂ ਉਸ ਨੂੰ ਦੇਸ਼ ਨਿਕਾਲੇ ਦੀ ਕਾਰਵਾਈ ਪੂਰੀ ਹੋਣ ਤੱਕ ਹਿਰਾਸਤ ਵਿੱਚ ਰੱਖਾਂਗੇ।”
ਅਮਰੀਕਾ ਵਿੱਚ ਇੱਕ ਭਾਰਤੀ ਵਿਅਕਤੀ ਨੂੰ ਨਾਬਾਲਗ ਨਾਲ ਕਥਿਤ ਤੌਰ ‘ਤੇ ਜਿਨਸੀ ਸ਼ੋਸ਼ਣ (Sexual Assault) ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਮੁਲਜ਼ਮ ਦੀ ਪਛਾਣ ਵੋਡੇਲਾ ਯਸ਼ਸਵੀ ਕੋਟਾਪੱਲੀ ਵਜੋਂ ਹੋਈ ਹੈ।
ਅਮਰੀਕੀ ਇਮੀਗ੍ਰੇਸ਼ਨ ਅਤੇ ਕਸਟਮਜ਼ ਇਨਫੋਰਸਮੈਂਟ (ICE) ਨੇ ਕਿਹਾ ਕਿ ਮੁਲਜ਼ਮ ਕੋਟਾਪੱਲੀ ਅਮਰੀਕਾ ਵਿੱਚ ਬਿਨਾਂ ਦਸਤਾਵੇਜ਼ਾਂ ਵਾਲਾ ਇਮੀਗ੍ਰੈਂਟ (ਗੈਰ-ਕਾਨੂੰਨੀ ਪ੍ਰਵਾਸੀ) ਹੈ ਅਤੇ ਯੂਐਸ ਇਮੀਗ੍ਰੇਸ਼ਨ ਕਾਨੂੰਨ ਦੇ ਤਹਿਤ ਉਸ ਨੂੰ ਦੇਸ਼ ਵਿੱਚੋਂ ਬਾਹਰ ਕੱਢਣ ਦੀ ਕਾਰਵਾਈ ਚੱਲ ਰਹੀ ਹੈ। ਉਸ ‘ਤੇ ਦੁਕਾਨ ਤੋਂ ਚੋਰੀ ਅਤੇ ਜਨਤਕ ਵਿਵਸਥਾ ਵਿਗਾੜਨ ਦੇ ਵੀ ਦੋਸ਼ ਲੱਗੇ ਹਨ।
ICE ਨੇ ਕੀ ਕਿਹਾ
ICE ਨੇ ਐਕਸ (ਪਹਿਲਾਂ ਟਵਿੱਟਰ) ‘ਤੇ ਇੱਕ ਪੋਸਟ ਵਿੱਚ ਕਿਹਾ, “ਵੋਡੇਲਾ ਯਸ਼ਸਵੀ ਕੋਟਾਪੱਲੀ ਭਾਰਤ ਤੋਂ ਆਇਆ ਇੱਕ ਅਪਰਾਧਿਕ ਗੈਰ-ਕਾਨੂੰਨੀ ਵਿਦੇਸ਼ੀ ਹੈ। ਉਸ ‘ਤੇ ਨਿਊ ਜਰਸੀ ਵਿੱਚ ਸੈਕਸੁਅਲ ਅਸਾਲਟ ਅਤੇ ਚੋਰੀ ਦੇ ਚਾਰਜ ਪੈਂਡਿੰਗ ਹਨ। ਅਸੀਂ ਉਸ ਨੂੰ ਦੇਸ਼ ਨਿਕਾਲੇ ਦੀ ਕਾਰਵਾਈ ਪੂਰੀ ਹੋਣ ਤੱਕ ਹਿਰਾਸਤ ਵਿੱਚ ਰੱਖਾਂਗੇ।”
ਕੋਟਾਪੱਲੀ ਨੂੰ ‘ਬੱਚਿਆਂ ਦਾ ਰੇਪਿਸਟ’ ਦੱਸਦੇ ਹੋਏ ICE ਨੇ ਕਿਹਾ ਕਿ ਇਸ ਭਾਰਤੀ ਵਿਅਕਤੀ ‘ਤੇ 13 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਦਾ ਜਿਨਸੀ ਸ਼ੋਸ਼ਣ ਕਰਨ ਦਾ ਦੋਸ਼ ਹੈ। ਏਜੰਸੀ ਨੇ ਗ੍ਰਿਫ਼ਤਾਰੀ ਦੀ ਤਰੀਕ ਜਾਂ ਕਥਿਤ ਅਪਰਾਧਾਂ ਬਾਰੇ ਹੋਰ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ।
ਅਮਰੀਕਾ ‘ਚ ਗੈਰ-ਕਾਨੂੰਨੀ ਇਮੀਗ੍ਰੈਂਟਸ ‘ਤੇ ਕਾਰਵਾਈ ਜਾਰੀ
ਟਰੰਪ 2.0 ਸਰਕਾਰ ਦੇ ਤਹਿਤ ICE ਦੇਸ਼ ਵਿੱਚ ਗੈਰ-ਕਾਨੂੰਨੀ ਵਿਦੇਸ਼ੀਆਂ ‘ਤੇ ਸਖ਼ਤ ਕਾਰਵਾਈ ਕਰ ਰਿਹਾ ਹੈ। ਦਸੰਬਰ ਵਿੱਚ ਏਜੰਸੀ ਨੇ ਓਰੇਗਨ ਵਿੱਚ ਇੱਕ ਜਾਨਲੇਵਾ ਸੜਕ ਹਾਦਸੇ ਵਿੱਚ ਸ਼ਾਮਲ ਇੱਕ ਭਾਰਤੀ ਟਰੱਕ ਡਰਾਈਵਰ ਨੂੰ ਵੀ ਹਿਰਾਸਤ ਵਿੱਚ ਲਿਆ ਸੀ, ਜਿਸ ਵਿੱਚ ਦੋ ਅਮਰੀਕੀਆਂ ਦੀ ਮੌਤ ਹੋ ਗਈ ਸੀ।
ਭਾਰਤ ਸਰਕਾਰ ਦੇ ਅੰਕੜਿਆਂ ਅਨੁਸਾਰ, ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਇਮੀਗ੍ਰੇਸ਼ਨ ਵਿਰੋਧੀ ਮੁਹਿੰਮ ਦੇ ਤਹਿਤ 2025 ਵਿੱਚ 3,800 ਤੋਂ ਵੱਧ ਭਾਰਤੀਆਂ ਨੂੰ ਅਮਰੀਕਾ ਤੋਂ ਡਿਪੋਰਟ (ਦੇਸ਼ ਨਿਕਾਲਾ) ਕੀਤਾ ਗਿਆ ਸੀ। ਭਾਰਤੀ ਮੂਲ ਦੇ 89 ਲੋਕ ਅਮਰੀਕਾ ਦੀ “ਸਭ ਤੋਂ ਮਾੜੇ ਅਪਰਾਧੀਆਂ” ਦੀ ਸੂਚੀ ਵਿੱਚ ਸ਼ਾਮਲ ਹਨ।