ਇਸ ਤੂਫ਼ਾਨ ਨੇ ਮੱਧ ਅਮਰੀਕਾ ਵਿੱਚ ਭਾਰੀ ਬਰਫ਼ਬਾਰੀ ਕੀਤੀ ਹੈ। ਸ਼ੁੱਕਰਵਾਰ ਸਵੇਰੇ ਉੱਤਰ-ਪੱਛਮੀ ਟੈਕਸਾਸ ਅਤੇ ਓਕਲਾਹੋਮਾ ਸਿਟੀ ਵਿੱਚ ਭਾਰੀ ਮੀਂਹ ਨਾਲ ਭਾਰੀ ਬਰਫ਼ਬਾਰੀ ਹੋਈ। ਬਰਫ਼ਬਾਰੀ, ਬਿਜਲੀ ਕੱਟਾਂ ਅਤੇ ਖ਼ਤਰਨਾਕ ਠੰਢ ਨੂੰ ਦੇਖਦੇ ਹੋਏ ਹੁਣ ਤੱਕ 15 ਰਾਜਾਂ ਨੇ ਐਮਰਜੈਂਸੀ ਦਾ ਐਲਾਨ ਕਰ ਦਿੱਤਾ ਹੈ।
ਅਮਰੀਕਾ ਇਸ ਸਮੇਂ ਇੱਕ ਭਿਆਨਕ ਸਰਦੀਆਂ ਦੇ ਤੂਫ਼ਾਨ ਦੀ ਲਪੇਟ ਵਿੱਚ ਹੈ। ਇਸ ਸ਼ਕਤੀਸ਼ਾਲੀ ਤੂਫ਼ਾਨ ਕਾਰਨ ਹੁਣ ਤੱਕ 1,800 ਤੋਂ ਵੱਧ ਉਡਾਣਾਂ ਰੱਦ ਹੋ ਚੁੱਕੀਆਂ ਹਨ, ਜਿਸ ਨਾਲ ਕਈ ਇਲਾਕਿਆਂ ਵਿੱਚ ਯਾਤਰਾ ਪ੍ਰਭਾਵਿਤ ਹੋ ਰਹੀ ਹੈ। ਦੇਸ਼ ਭਰ ਵਿੱਚ ਪੈ ਰਹੀ ਕੜਾਕੇ ਦੀ ਠੰਢ ਦਰਮਿਆਨ ਬਿਜਲੀ ਦੀ ਸਪਲਾਈ ਵੀ ਠੱਪ ਹੋ ਗਈ ਹੈ।
ਦਰਅਸਲ, ਇਸ ਤੂਫ਼ਾਨ ਨੇ ਮੱਧ ਅਮਰੀਕਾ ਵਿੱਚ ਭਾਰੀ ਬਰਫ਼ਬਾਰੀ ਕੀਤੀ ਹੈ। ਸ਼ੁੱਕਰਵਾਰ ਸਵੇਰੇ ਉੱਤਰ-ਪੱਛਮੀ ਟੈਕਸਾਸ ਅਤੇ ਓਕਲਾਹੋਮਾ ਸਿਟੀ ਵਿੱਚ ਭਾਰੀ ਮੀਂਹ ਨਾਲ ਭਾਰੀ ਬਰਫ਼ਬਾਰੀ ਹੋਈ। ਬਰਫ਼ਬਾਰੀ, ਬਿਜਲੀ ਕੱਟਾਂ ਅਤੇ ਖ਼ਤਰਨਾਕ ਠੰਢ ਨੂੰ ਦੇਖਦੇ ਹੋਏ ਹੁਣ ਤੱਕ 15 ਰਾਜਾਂ ਨੇ ਐਮਰਜੈਂਸੀ ਦਾ ਐਲਾਨ ਕਰ ਦਿੱਤਾ ਹੈ।
ਭਾਰੀ ਬਰਫ਼ਬਾਰੀ ਦੀ ਸੰਭਾਵਨਾ
ਮੌਸਮ ਵਿਭਾਗ (NWS) ਅਨੁਸਾਰ, ਓਕਲਾਹੋਮਾ ਤੋਂ ਲੈ ਕੇ ਉੱਤਰ-ਪੂਰਬ ਤੱਕ ਭਾਰੀ ਬਰਫ਼ਬਾਰੀ ਹੋਣ ਦੀ ਸੰਭਾਵਨਾ ਹੈ, ਜਿੱਥੇ ਸੋਮਵਾਰ ਤੱਕ ਕੁਝ ਥਾਵਾਂ ‘ਤੇ ਇੱਕ ਫੁੱਟ ਤੋਂ ਵੱਧ ਬਰਫ਼ ਡਿੱਗ ਸਕਦੀ ਹੈ। ਇਸ ਤੋਂ ਇਲਾਵਾ, ਮਿਸਿਸਿਪੀ ਘਾਟੀ, ਟੈਨੇਸੀ ਘਾਟੀ ਅਤੇ ਦੱਖਣ-ਪੂਰਬ ਵਿੱਚ ਬਰਫ਼ੀਲੇ ਮੀਂਹ ਅਤੇ ਗੜੇਮਾਰੀ ਦਾ ਖ਼ਦਸ਼ਾ ਜਤਾਇਆ ਗਿਆ ਹੈ।
ਤੂਫ਼ਾਨ ਕਾਰਨ ਭਾਰੀ ਬਰਫ਼ ਹੋਵੇਗੀ ਜਮ੍ਹਾਂ
ਬਿਜਲੀ ਦੀ ਕਿੱਲਤ: ਲੰਬੇ ਸਮੇਂ ਤੱਕ ਬਿਜਲੀ ਗਾਇਬ ਰਹਿ ਸਕਦੀ ਹੈ।
ਰੁੱਖਾਂ ਦਾ ਨੁਕਸਾਨ: ਭਾਰੀ ਬਰਫ਼ ਕਾਰਨ ਰੁੱਖ ਟੁੱਟ ਸਕਦੇ ਹਨ।
ਯਾਤਰਾ ਵਿੱਚ ਖ਼ਤਰਾ: ਸੜਕੀ ਰਸਤੇ ਬੇਹੱਦ ਖ਼ਤਰਨਾਕ ਜਾਂ ਬੰਦ ਹੋ ਸਕਦੇ ਹਨ।
ਪ੍ਰਭਾਵ: ਇਸ ਤੂਫ਼ਾਨ ਨਾਲ ਕਰੀਬ 18 ਕਰੋੜ ਲੋਕ ਪ੍ਰਭਾਵਿਤ ਹੋ ਸਕਦੇ ਹਨ।
ਕਈ ਦਿਨਾਂ ਤੱਕ ਰਹੇਗਾ ਅਸਰ
ਰਿਪੋਰਟਾਂ ਅਨੁਸਾਰ, ਇਹ ਬਰਫ਼ੀਲਾ ਤੂਫ਼ਾਨ ਕਈ ਦਿਨਾਂ ਤੱਕ ਜਾਰੀ ਰਹਿ ਸਕਦਾ ਹੈ। ਇਹ ਹੁਣ ਸੰਘਣੀ ਆਬਾਦੀ ਵਾਲੇ ਉੱਤਰ-ਪੂਰਬੀ ਰਾਜਾਂ ਵੱਲ ਵਧੇਗਾ, ਜਿਸ ਨਾਲ ਰੋਜ਼ਾਨਾ ਦੀ ਜ਼ਿੰਦਗੀ ਪ੍ਰਭਾਵਿਤ ਹੋਵੇਗੀ। ਟੈਕਸਾਸ ਤੋਂ ਨਿਊ ਇੰਗਲੈਂਡ ਤੱਕ 2,000 ਮੀਲ ਤੋਂ ਵੱਧ ਖੇਤਰ ਵਿੱਚ ਬਰਫ਼ ਦੀ ਚਾਦਰ ਵਿਛ ਜਾਵੇਗੀ।
ਜ਼ਰੂਰੀ ਵਸਤਾਂ ਦੀ ਕਿੱਲਤ
ਤੂਫ਼ਾਨ ਦੇ ਡਰ ਕਾਰਨ ਲੋਕਾਂ ਨੇ ਜ਼ਰੂਰੀ ਸਾਮਾਨ ਦੀ ਜੰਮ ਕੇ ਖ਼ਰੀਦਦਾਰੀ ਕੀਤੀ ਹੈ। ਮਿਸਿਸਿਪੀ, ਟੈਕਸਾਸ ਅਤੇ ਵਾਸ਼ਿੰਗਟਨ ਡੀ.ਸੀ. ਦੇ ਕਈ ਸਟੋਰਾਂ ਵਿੱਚ ਸਾਮਾਨ ਖ਼ਤਮ ਹੋ ਗਿਆ ਹੈ। ਇੱਥੋਂ ਤੱਕ ਕਿ ਪਾਣੀ ਅਤੇ ਦੁੱਧ ਵਰਗੀਆਂ ਜ਼ਰੂਰੀ ਚੀਜ਼ਾਂ ਵੀ ਮਿਲਣੀਆਂ ਮੁਸ਼ਕਲ ਹੋ ਗਈਆਂ ਹਨ।