ਮੇਅਰ ਨੇ ਵਿਸ਼ੇਸ਼ ਕਮਿਸ਼ਨਰ ਪ੍ਰਦੀਪ ਕੁਮਾਰ ਅਤੇ ਨਗਰ ਨਿਗਮ ਦੇ ਸੀਨੀਅਰ ਅਧਿਕਾਰੀਆਂ ਨਾਲ ਮਿਲ ਕੇ ਮੁੱਖ ਮੰਚ, ਪ੍ਰਦਰਸ਼ਨੀ ਖੇਤਰ, ਸੱਭਿਆਚਾਰਕ ਪ੍ਰੋਗਰਾਮ ਸਥਾਨ, ਵਿਸ਼ਾ ਅਧਾਰਿਤ ਬਾਗ਼, ਭੋਜਨ ਪ੍ਰਬੰਧ ਖੇਤਰ, ਬੱਚਿਆਂ ਦੇ ਗਤੀਵਿਧੀ ਖੇਤਰ ਅਤੇ ਵੱਖ-ਵੱਖ ਸਟਾਲਾਂ ਦਾ ਨਿਰੀਖਣ ਕੀਤਾ।
ਸ਼ਹਿਰ ਦੇ ਮੇਅਰ ਸੌਰਭ ਜੋਸ਼ੀ ਨੇ ਵੀਰਵਾਰ ਨੂੰ ਸੈਕਟਰ-16 ਸਥਿਤ ਜ਼ਾਕਿਰ ਹੁਸੈਨ ਰੋਜ਼ ਗਾਰਡਨ ਦਾ ਦੌਰਾ ਕਰਕੇ 54ਵੇਂ ਗੁਲਾਬ ਮੇਲੇ–2026 ਦੀਆਂ ਤਿਆਰੀਆਂ ਦੀ ਸਮੀਖਿਆ ਕੀਤੀ। ਤਿੰਨ ਦਿਨਾਂ ਦਾ ਇਹ ਸਮਾਰੋਹ 20 ਤੋਂ 22 ਫਰਵਰੀ, 2026 ਤੱਕ ਕਰਵਾਇਆ ਜਾਵੇਗਾ। ਉਦਘਾਟਨ ਸਮਾਰੋਹ 20 ਫਰਵਰੀ ਨੂੰ ਸਵੇਰੇ 11 ਵਜੇ ਪੰਜਾਬ ਦੇ ਰਾਜਪਾਲ ਅਤੇ ਚੰਡੀਗੜ੍ਹ ਦੇ ਪ੍ਰਸ਼ਾਸਕ ਗੁਲਾਬ ਚੰਦ ਕਟਾਰੀਆ ਵੱਲੋਂ ਕੀਤਾ ਜਾਵੇਗਾ।
ਪ੍ਰਬੰਧਾਂ ਦਾ ਵਿਸਥਾਰਪੂਰਵਕ ਨਿਰੀਖਣ
ਮੇਅਰ ਨੇ ਵਿਸ਼ੇਸ਼ ਕਮਿਸ਼ਨਰ ਪ੍ਰਦੀਪ ਕੁਮਾਰ ਅਤੇ ਨਗਰ ਨਿਗਮ ਦੇ ਸੀਨੀਅਰ ਅਧਿਕਾਰੀਆਂ ਨਾਲ ਮਿਲ ਕੇ ਮੁੱਖ ਮੰਚ, ਪ੍ਰਦਰਸ਼ਨੀ ਖੇਤਰ, ਸੱਭਿਆਚਾਰਕ ਪ੍ਰੋਗਰਾਮ ਸਥਾਨ, ਵਿਸ਼ਾ ਅਧਾਰਿਤ ਬਾਗ਼, ਭੋਜਨ ਪ੍ਰਬੰਧ ਖੇਤਰ, ਬੱਚਿਆਂ ਦੇ ਗਤੀਵਿਧੀ ਖੇਤਰ ਅਤੇ ਵੱਖ-ਵੱਖ ਸਟਾਲਾਂ ਦਾ ਨਿਰੀਖਣ ਕੀਤਾ। ਉਨ੍ਹਾਂ ਅਧਿਕਾਰੀਆਂ ਨੂੰ ਹੁਕਮ ਦਿੱਤੇ ਕਿ ਸਫ਼ਾਈ, ਸੁਰੱਖਿਆ ਅਤੇ ਰੋਸ਼ਨੀ ਦੀ ਉੱਤਮ ਵਿਵਸਥਾ ਯਕੀਨੀ ਬਣਾਈ ਜਾਵੇ।ਬਾਗਬਾਨੀ ਸਜਾਵਟ ਨੂੰ ਹੋਰ ਸੁੰਦਰ ਬਣਾਇਆ ਜਾਵੇ ਅਤੇ ਦਰਸ਼ਕਾਂ ਦੀ ਸੁਵਿਧਾ ਲਈ ਪੂਰੇ ਪ੍ਰਬੰਧ ਕੀਤੇ ਜਾਣ। ਮੇਅਰ ਨੇ ਕਿਹਾ ਕਿ ਗੁਲਾਬ ਮੇਲਾ “ ਸਿਟੀ ਬਿਊਟੀਫੁਲ ਦੀ ਪਛਾਣ ਹੈ ਅਤੇ ਹਰ ਸਾਲ ਹਜ਼ਾਰਾਂ ਲੋਕ ਇਸ ਵਿੱਚ ਹਿੱਸਾ ਲੈਂਦੇ ਹਨ।
ਮੇਲੇ ਦੇ ਮੁੱਖ ਖਿੱਚ ਦੇ ਕੇਂਦਰ
-ਸੈਂਕੜਿਆਂ ਕਿਸਮਾਂ ਦੇ ਗੁਲਾਬਾਂ ਦੀ ਸੁੰਦਰ ਪ੍ਰਦਰਸ਼ਨੀ
-ਲੋਕ ਨਾਚ, ਸੰਗੀਤ ਸੰਧਿਆ, ਲਾਈਵ ਬੈਂਡ ਅਤੇ ਸਕੂਲੀ ਪ੍ਰਸਤੁਤੀਆਂ
-ਫੁੱਲ ਸਜਾਵਟ, ਆਨ ਦਾ ਸਪਾਟ ਪੇਂਟਿੰਗ , ਰੰਗੋਲੀ, ਤਸਵੀਰਕਲਾ ਅਤੇ ਬੱਚਿਆਂ ਦੇ ਮੁਕਾਬਲੇ
-ਨਗਰ ਨਿਗਮ ਦੀਆਂ ਉਪਲਬਧੀਆਂ ਉੱਤੇ ਆਧਾਰਿਤ ਵਿਸ਼ੇਸ਼ ਪ੍ਰਦਰਸ਼ਨੀ-ਕਚਰਾ ਪ੍ਰਬੰਧਨ, ਸਫ਼ਾਈ ਸੁਧਾਰ, ਹਰਿਆਵਲੀ ਪਹਿਲਾਂ ਅਤੇ ਡਿਜ਼ਿਟਲ ਪ੍ਰਸ਼ਾਸਨ
-ਵੱਖ-ਵੱਖ ਸਰਕਾਰੀ ਵਿਭਾਗਾਂ, ਸਵੈ ਸਹਾਇਤਾ ਸਮੂਹਾਂ ਅਤੇ ਸਥਾਨਕ ਕਾਰੀਗਰਾਂ ਦੇ ਵਿਸ਼ਾ ਅਧਾਰਿਤ ਸਟਾਲ
ਇਸ ਤੋਂ ਇਲਾਵਾ, ਵੱਖ-ਵੱਖ ਪਕਵਾਨਾਂ ਵਾਲਾ ਭੋਜਨ ਖੇਤਰ, ਬੱਚਿਆਂ ਲਈ ਝੂਲੇ, ਵਾਤਾਵਰਣ ਮਿਤਰ ਜਾਗਰੂਕਤਾ ਸਟਾਲ ਅਤੇ ਸੰਵਾਦਾਤਮਕ ਕੋਨੇ ਵੀ ਖਾਸ ਆਕਰਸ਼ਣ ਰਹਿਣਗੇ।
ਮੇਅਰ ਨੇ ਭਰੋਸਾ ਜਤਾਇਆ ਕਿ ਇਸ ਸਾਲ ਦਾ ਗੁਲਾਬ ਮੇਲਾ ਪਹਿਲਾਂ ਨਾਲੋਂ ਵੱਧ ਸੋਹਣਾ , ਸਮਾਵੇਸ਼ੀ ਅਤੇ ਯਾਦਗਾਰ ਹੋਵੇਗਾ। ਉਨ੍ਹਾਂ ਨੇ ਸ਼ਹਿਰ ਵਾਸੀਆਂ ਨੂੰ ਵੱਧ-ਚੜ੍ਹ ਕੇ ਭਾਗ ਲੈਣ ਦੀ ਅਪੀਲ ਕੀਤੀ।
