ਇਹ ਮੰਦਰ ਪੰਚਾਇਤ ਖੁੰਦੇਲ ਦੇ ਗਿਰੜ ਪਿੰਡ ਵਿੱਚ ਇੱਕ ਚੱਟਾਨ ਉੱਤੇ ਸਥਿਤ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਮੰਦਰ ਲਗਪਗ 200 ਤੋਂ 700 ਸਾਲ ਪੁਰਾਣਾ ਸੀ ਅਤੇ ਦੇਵਦਾਰ ਦੀ ਕੀਮਤੀ ਲੱਕੜ ਨਾਲ ਬਣਿਆ ਹੋਇਆ ਸੀ। ਅੱਗ ਇੰਨੀ ਭਿਆਨਕ ਸੀ ਕਿ ਪੂਰਾ ਮੰਦਰ ਸੜ ਕੇ ਸੁਆਹ ਹੋ ਗਿਆ।
ਹਿਮਾਚਲ ਦੇ ਚੰਬਾ ਜ਼ਿਲ੍ਹੇ ਦੇ ਭਰਮੌਰ ਇਲਾਕੇ ਵਿੱਚ ਸਥਿਤ ਮਸ਼ਹੂਰ ਮਾਂ ਗਿਰੜ ਮਾਤਾ ਦਾ ਇਤਿਹਾਸਕ ਮੰਦਰ ਅੱਗ ਕਾਰਨ ਪੂਰੀ ਤਰ੍ਹਾਂ ਨੁਕਸਾਨਿਆ ਗਿਆ ਹੈ। ਇਹ ਘਟਨਾ ਸ਼ੁੱਕਰਵਾਰ ਦੁਪਹਿਰ (6 ਫਰਵਰੀ, 2026) ਲਗਪਗ 3:30 ਵਜੇ ਵਾਪਰੀ।
ਇਹ ਮੰਦਰ ਪੰਚਾਇਤ ਖੁੰਦੇਲ ਦੇ ਗਿਰੜ ਪਿੰਡ ਵਿੱਚ ਇੱਕ ਚੱਟਾਨ ਉੱਤੇ ਸਥਿਤ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਮੰਦਰ ਲਗਪਗ 200 ਤੋਂ 700 ਸਾਲ ਪੁਰਾਣਾ ਸੀ ਅਤੇ ਦੇਵਦਾਰ ਦੀ ਕੀਮਤੀ ਲੱਕੜ ਨਾਲ ਬਣਿਆ ਹੋਇਆ ਸੀ। ਅੱਗ ਇੰਨੀ ਭਿਆਨਕ ਸੀ ਕਿ ਪੂਰਾ ਮੰਦਰ ਸੜ ਕੇ ਸੁਆਹ ਹੋ ਗਿਆ। ਮੰਦਰ ਦੇ ਅੰਦਰ ਮੌਜੂਦ ਸੰਗਮਰਮਰ, ਕਾਲੇ ਪੱਥਰ ਅਤੇ ਪਿੱਤਲ ਦੀਆਂ ਮੂਰਤੀਆਂ ਨੂੰ ਵੀ ਭਾਰੀ ਨੁਕਸਾਨ ਪਹੁੰਚਿਆ ਹੈ। ਅੱਗ ਲੱਗਣ ਦਾ ਕਾਰਨ ਅਜੇ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਪਰ ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਇਹ ਸ਼ਾਰਟ ਸਰਕਟ ਕਾਰਨ ਲੱਗੀ ਹੋ ਸਕਦੀ ਹੈ। ਮੰਦਰ ਦੇ ਚਾਰੇ ਪਾਸੇ ਭਾਰੀ ਬਰਫ਼ਬਾਰੀ ਹੋਈ ਸੀ। ਸਥਾਨਕ ਲੋਕਾਂ ਨੇ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਅੱਗ ਦੀਆਂ ਲਪਟਾਂ ਇੰਨੀਆਂ ਤੇਜ਼ ਸਨ ਕਿ ਉਹ ਨਾਕਾਮ ਰਹੇ। ਦੱਸਣਯੋਗ ਹੈ ਕਿ ਬਰਫ਼ਬਾਰੀ ਕਾਰਨ ਮੰਦਰ ਦੇ ਕਪਾਟ ਦਸੰਬਰ ਤੋਂ ਅਪ੍ਰੈਲ ਤੱਕ ਬੰਦ ਰਹਿੰਦੇ ਹਨ।
ਇਸ ਤੋਂ ਪਹਿਲਾਂ ਜਨਵਰੀ ਵਿੱਚ ਸ਼ਿਮਲਾ ਦੇ ਰੋਹੜੂ ਵਿੱਚ ਵੀ ਇੱਕ ਪੁਰਾਣਾ ਮੰਦਰ (ਬਾਣ ਦੇਵਤਾ) ਅੱਗ ਦੀ ਭੇਟ ਚੜ੍ਹ ਗਿਆ ਸੀ। ਸਥਾਨਕ ਵਿਧਾਇਕ ਡਾ. ਜਨਕ ਰਾਜ ਨੇ ਇਸ ਘਟਨਾ ‘ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ ਅਤੇ ਪ੍ਰਸ਼ਾਸਨ ਤੋਂ ਨੁਕਸਾਨ ਦੇ ਜਾਇਜ਼ੇ ਦੀ ਮੰਗ ਕੀਤੀ ਹੈ।