ਜ਼ਖ਼ਮੀ ਆਟੋ ਡਰਾਈਵਰ ਦੀ ਪਛਾਣ 22 ਸਾਲਾ ਵਾਸ਼ਿਦ ਖ਼ਾਨ ਵਜੋਂ ਹੋਈ ਹੈ। ਵਾਸ਼ਿਦ ਦੇ ਭਰਾ ਜ਼ਿਆਉ ਮੁਸਤਫਾ ਨੇ ਦੱਸਿਆ, ਹਾਦਸੇ ਕਾਰਨ ਵਾਸ਼ਿਦ ਦੇ ਜਬਾੜੇ (Jawline) ਵਿੱਚ ਫ੍ਰੈਕਚਰ ਹੋ ਗਿਆ ਹੈ ਅਤੇ ਉਸ ਦੀ ਸਰਜਰੀ ਚੱਲ ਰਹੀ ਹੈ।
19 ਜਨਵਰੀ ਦੀ ਰਾਤ ਨੂੰ ਮੁੰਬਈ ਦੇ ਜੁਹੂ ਇਲਾਕੇ ਵਿੱਚ ਅਕਸ਼ੈ ਕੁਮਾਰ ਦੇ ਕਾਫ਼ਲੇ ਦੀ ਇੱਕ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ ਸੀ। ਤੇਜ਼ ਰਫ਼ਤਾਰ ਨਾਲ ਆ ਰਹੀ ਇੱਕ ਮਰਸਡੀਜ਼ ਕਾਰ ਨੇ ਇੱਕ ਆਟੋ ਰਿਕਸ਼ਾ ਨੂੰ ਪਿੱਛੇ ਤੋਂ ਟੱਕਰ ਮਾਰੀ, ਜਿਸ ਕਾਰਨ ਆਟੋ ਬੇਕਾਬੂ ਹੋ ਕੇ ਸਿੱਧਾ ਅਕਸ਼ੈ ਕੁਮਾਰ ਦੀ ਸੁਰੱਖਿਆ ਵਾਲੀ ਗੱਡੀ ਨਾਲ ਜਾ ਟਕਰਾਇਆ।
ਇਸ ਹਾਦਸੇ ਵਿੱਚ ਆਟੋ ਡਰਾਈਵਰ ਗੰਭੀਰ ਜ਼ਖ਼ਮੀ ਹੋ ਗਿਆ। ਖ਼ਾਸ ਗੱਲ ਇਹ ਰਹੀ ਕਿ ਹਾਦਸੇ ਤੋਂ ਤੁਰੰਤ ਬਾਅਦ ਅਕਸ਼ੈ ਕੁਮਾਰ ਨੇ ਖ਼ੁਦ ਆਪਣੀ ਗੱਡੀ ਵਿੱਚੋਂ ਬਾਹਰ ਨਿਕਲ ਕੇ ਡਰਾਈਵਰ ਨੂੰ ਹਸਪਤਾਲ ਪਹੁੰਚਾਉਣ ਵਿੱਚ ਮਦਦ ਕੀਤੀ। ਅਕਸ਼ੈ ਸਿਰਫ਼ ਹਸਪਤਾਲ ਪਹੁੰਚਾਉਣ ਤੱਕ ਹੀ ਸੀਮਤ ਨਹੀਂ ਰਹੇ, ਸਗੋਂ ਹੁਣ ਉਨ੍ਹਾਂ ਨੇ ਉਸ ਦੇ ਇਲਾਜ ਦਾ ਪੂਰਾ ਖਰਚਾ ਚੁੱਕਣ ਦੀ ਜ਼ਿੰਮੇਵਾਰੀ ਵੀ ਲਈ ਹੈ।
ਅਕਸ਼ੈ ਕੁਮਾਰ ਦੀ ਟੀਮ ਕਰ ਰਹੀ ਹੈ ਮਦਦ
ਜ਼ਖ਼ਮੀ ਆਟੋ ਡਰਾਈਵਰ ਦੀ ਪਛਾਣ 22 ਸਾਲਾ ਵਾਸ਼ਿਦ ਖ਼ਾਨ ਵਜੋਂ ਹੋਈ ਹੈ। ਵਾਸ਼ਿਦ ਦੇ ਭਰਾ ਜ਼ਿਆਉ ਮੁਸਤਫਾ ਨੇ ਦੱਸਿਆ, ਹਾਦਸੇ ਕਾਰਨ ਵਾਸ਼ਿਦ ਦੇ ਜਬਾੜੇ (Jawline) ਵਿੱਚ ਫ੍ਰੈਕਚਰ ਹੋ ਗਿਆ ਹੈ ਅਤੇ ਉਸ ਦੀ ਸਰਜਰੀ ਚੱਲ ਰਹੀ ਹੈ। ਅਕਸ਼ੈ ਕੁਮਾਰ ਦੀ ਟੀਮ ਲਗਾਤਾਰ ਪਰਿਵਾਰ ਦੇ ਸੰਪਰਕ ਵਿੱਚ ਹੈ ਅਤੇ ਮੈਡੀਕਲ ਖਰਚਿਆਂ ਬਾਰੇ ਅਪਡੇਟ ਲੈ ਰਹੀ ਹੈ। ਵਾਸ਼ਿਦ ਦੇ ਭਰਾ ਨੇ ਅਕਸ਼ੈ ਕੁਮਾਰ ਦੇ ਇਸ ਦਿਆਲੂ ਰਵੱਈਏ ਦੀ ਸ਼ਲਾਘਾ ਕੀਤੀ ਹੈ।
ਦੋਸ਼ੀ ਡਰਾਈਵਰ ਗ੍ਰਿਫ਼ਤਾਰ
ਸਮਾਚਾਰ ਏਜੰਸੀ ਏਐਨਆਈ (ANI) ਮੁਤਾਬਕ, ਮੁੰਬਈ ਪੁਲਿਸ ਨੇ ਆਟੋ ਨੂੰ ਟੱਕਰ ਮਾਰਨ ਵਾਲੀ ਮਰਸਡੀਜ਼ ਦੇ ਡਰਾਈਵਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਦੋਸ਼ੀ ਦੀ ਪਛਾਣ ਰਾਧੇਸ਼ਿਆਮ ਰਾਏ ਵਜੋਂ ਹੋਈ ਹੈ। ਪੁਲਿਸ ਨੇ ਲਾਪਰਵਾਹੀ ਅਤੇ ਤੇਜ਼ ਰਫ਼ਤਾਰ ਨਾਲ ਗੱਡੀ ਚਲਾਉਣ ਦੇ ਦੋਸ਼ ਹੇਠ ਕੇਸ ਦਰਜ ਕੀਤਾ ਹੈ।