ਸੌਣ ਤੋਂ ਕਿੰਨੀ ਦੇਰ ਪਹਿਲਾਂ ਖਾ ਲੈਣਾ ਚਾਹੀਦਾ ਹੈ ਖਾਣਾ? ਜਾਣੋ ਕੀ ਕਹਿੰਦੇ ਹਨ ਮਾਹਿਰ !

ਅੱਜ ਦੀ ਭੱਜ-ਦੌੜ ਭਰੀ ਜ਼ਿੰਦਗੀ ਵਿਚ ਅਸੀਂ ਆਮ ਤੌਰ ‘ਤੇ ਦੇਰ ਰਾਤ ਖਾਣਾ ਖਾਂਦੇ ਹਾਂ ਤੇ ਤੁਰੰਤ ਸੌ ਜਾਂਦੇ ਹਾਂ। ਕਦੇ ਕੰਮ ਦੀ ਵਜ੍ਹਾ ਨਾਲ, ਕਦੇ ਮੋਬਾਈਲ ਜਾਂ ਟੀਵੀ ਦੇਖਦੇ-ਦੇਖਦੇ ਸਮੇਂ ਦਾ ਪਤਾ ਹੀ ਨਹੀਂ ਲੱਗਦਾ। ਕੀ ਤੁਸੀਂ ਜਾਣਦੇ ਹੋ ਕਿ ਰਾਤ ਵਿਚ ਖਾਣਾ ਖਾਣ ਦਾ ਸਹੀ ਸਮੇਂ ਤੁਹਾਡੀ ਨੀਂਦ, ਪਾਚਣ ਤੇ ਪੂਰੀ ਸਿਹਤ ਨੂੰ ਕਿੰਨਾ ਪ੍ਰਭਾਵਿਤ ਕਰਦਾ ਹੈ। ਆਯੁਰਵੇਦ ਹੋਵੇ ਜਾਂ ਡਾਕਟਰ ਦੋਵੇਂ ਹੀ ਇਸ ਗੱਲ ‘ਤੇ ਜ਼ੋਰ ਦਿੰਦੇ ਹਨ ਕਿ ਖਾਣ ਤੇ ਸੌਣ ਵਿਚ ਪੂਰੇ ਸਮੇਂ ਦਾ ਫਰਕ ਹੋਣਾ ਬਹੁਤ ਜ਼ਰੂਰੀ ਹੈ। ਸਹੀ ਸਮੇਂ ‘ਤੇ ਖਾਣ ਨਾਲ ਨਾ ਸਿਰਫ ਖਾਣਾ ਸਹੀ ਤਰ੍ਹਾਂ ਪਚਦਾ ਹੈ ਸਗੋਂ ਨੀਂਦ ਵੀ ਸਕੂਨ ਭਰੀ ਆਉਂਦੀ ਹੈ। ਆਓ ਜਾਣੋ ਸੌਣ ਤੋਂ ਕਿੰਨੀ ਦੇਰ ਪਹਿਲਾਂ ਖਾਣਾ ਖਾ ਲੈਣਾ ਚਾਹੀਦਾ ਹੈ।
ਡਾਕਟਰਾਂ ਤੇ ਮਾਹਿਰਾਂ ਮੁਤਾਬਕ ਚੰਗੀ ਪਾਚਣ ਕਿਰਿਆ ਤੇ ਬੇਹਤਰ ਨੀਂਦ ਲਈ ਸੌਣ ਤੋਂ ਘੱਟੋ-ਘੱਟ 2 ਜਾਂ 3 ਘੰਟੇ ਪਹਿਲਾਂ ਰਾਤ ਦਾ ਖਾਣਾ ਖਾ ਲੈਣਾ ਚਾਹੀਦਾ ਹੈ। ਇੰਨਾ ਸਮਾਂ ਦੇਣ ਨਾਲ ਖਾਣੇ ਨੂੰ ਠੀਕ ਤਰ੍ਹਾਂ ਤੋਂ ਪਚਣ ਦਾ ਮੌਕਾ ਮਿਲਦਾ ਹੈ ਤੇ ਐਸੀਡਿਟੀ, ਗੈਸ ਜਾਂ ਜਲਨ ਵਰਗੀਆਂ ਸਮੱਸਿਆਵਾਂ ਦਾ ਖਤਰਾ ਘੱਟ ਹੁੰਦਾ ਹੈ। ਜੇਕਰ ਤੁਸੀਂ ਰਾਤ ਨੂੰ 10 ਵਜੇ ਸੌਂਦੇ ਹੋ ਤਾਂ 7 ਤੋਂ 8 ਵਜੇ ਤੱਕ ਖਾਣਾ ਖਾ ਲੈਣਾ ਚਾਹੀਦਾ ਹੈ ਤੇ ਜੇਕਰ 11 ਵਜੇ ਸੌਂਦੇ ਹੋ ਤਾਂ 8 ਵਜੇ ਤੱਕ ਖਾਣਾ ਖਾ ਲੈਣਾ ਬੇਹਤਰ ਹੈ ਤਾਂਕਿ ਸੌਂਦੇ ਸਮੇਂ ਪੇਟ ਹਲਕਾ ਰਹੇ ਤੇ ਨੀਂਦ ਚੰਗੀ ਆਏ।
ਪਾਚਣ ਕਿਰਿਆ ਰਹਿੰਦੀ ਹੈ ਸਹੀ– ਖਾਣਾ ਖਾਣ ਦੇ ਬਾਅਦ ਸਰੀਰ ਨੂੰ ਇਸ ਨੂੰ ਪਚਾਉਣ ਲਈ ਸਮਾਂ ਚਾਹੀਦਾ ਹੈ। ਜੇਕਰ ਤੁਸੀਂ ਤੁਰੰਤ ਲੇਟ ਜਾਂਦੇ ਹੋ ਤਾਂ ਪਾਚਣ ਕਿਰਿਆ ਠੀਕ ਨਹੀਂ ਹੋ ਪਾਉਂਦੀ।
ਐਸੀਡਿਟੀ ਤੇ ਜਲਨ ਤੋਂ ਬਚਾਅ-ਖਾਣਾ ਖਾਣ ਦੇ ਤੁਰੰਤ ਬਾਅਦ ਲੇਟਣ ਨਾਲ ਪੇਟ ਦਾ ਐਸਿਡ ਉਪਰ ਵਲ ਆ ਸਕਦਾ ਹੈ ਜਿਸ ਨਾਲ ਜਲਨ ਤੇ ਖੱਟੀ ਡਕਾਰ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਚੰਗੀ ਨੀਂਦ ਲਈ-ਨੀਂਦ ਦੌਰਾਨ ਸਰੀਰ ਖੁਦ ਨੂੰ ਰਿਪੇਅਰ ਕਰਦਾ ਹੈ, ਦਿਮਾਗ ਨੂੰ ਆਰਾਮ ਦਿੰਦਾ ਹੈ ਤੇ ਹਾਰਮੋਨ ਸੰਤੁਲਨ ਬਣਾਏ ਰੱਖਦਾ ਹੈ। ਜੇਕਰ ਪੇਟ ਭਾਰੀ ਹੋਵੇ ਤਾਂ ਨੀਂਦ ਵਾਰ-ਵਾਰ ਟੁੱਟਦੀ ਹੈ।
ਭਾਰ ਤੇ ਮੈਟਾਬਾਲਿਜ਼ਮ ਲਈ-ਰਾਤ ਵਿਚ ਦੇਰ ਨਾਲ ਖਾਣੇ ਨਾਲ ਮੈਟਾਬਾਲਿਜ਼ਮ ਹੌਲੀ ਹੁੰਦਾ ਹੈ, ਫੈਟ ਜਮ੍ਹਾ ਹੋਣ ਲੱਗਦਾ ਹੈ ਤੇ ਭਾਰ ਵਧਣ ਦਾ ਖਤਰਾ ਰਹਿੰਦਾ ਹੈ।
ਰਾਤ ਵਿਚ ਹਲਕਾ ਤੇ ਆਸਾਨੀ ਨਾਲ ਪਚਣ ਵਾਲਾ ਖਾਣਾ ਜਿਵੇਂ ਉਬਲੀ ਤੇ ਹਲਕੀ ਪਕੀ ਸਬਜ਼ੀਆਂ, ਦਾਲ, ਖਿਚੜੀ, ਥੋੜ੍ਹੀ ਮਾਤਰਾ ਵਿਚ ਰੋਟੀ ਜਾਂ ਚਾਵਲ, ਹਲਕਾ ਗਰਮ ਦੁੱਧ (ਹਲਦੀ ਨਾਲ), ਥੋੜ੍ਹੇ ਜਿਹੇ ਬਾਦਾਮ ਜਾਂ ਅਖਰੋਟ ਖਾ ਸਕਦੇ ਹੋ। ਦੂਜੇ ਪਾਸੇ ਰਾਤ ਵਿਚ ਬਹੁਤ ਭਾਰੀ ਖਾਣਾ, ਤਲਿਆ-ਭੁੰਨਿਆ ਤੇ ਜ਼ਿਆਦਾ ਮਸਾਲੇਦਾਰ ਖਾਣਾ, ਜ਼ਿਆਦਾ ਮਠਿਆਈ ਸਨੈਕਸ, ਚਾਹ, ਕੌਫੀ ਖਾਣ ਪੀਣ ਤੋਂ ਪਰਹੇਜ਼ ਕਰੋ।