22 ਜਨਵਰੀ ਦੇ ਕ੍ਰੈਸ਼ ਬਾਰੇ ਗੱਲ ਕਰਦਿਆਂ ‘ਪੌਲ ਐਸੇਟ’ ਦੇ ਇਕੁਇਟੀ ਰਿਸਰਚ ਐਨਾਲਿਸਟ ਅਤੇ ‘129 ਵੈਲਥ ਫੰਡ’ ਦੇ ਫੰਡ ਮੈਨੇਜਰ ਪ੍ਰਸੇਨਜੀਤ ਪੌਲ ਨੇ ਕਿਹਾ ਕਿ ਅਜਿਹੇ ਦਿਨਾਂ ‘ਚ ਨਿਵੇਸ਼ਕਾਂ ਨੂੰ ਜੋ ਗੱਲ ਪਰੇਸ਼ਾਨ ਕਰਦੀ ਹੈ, ਉਹ ਸੋਨੇ ਜਾਂ ਚਾਂਦੀ ਦੀ ਕੀਮਤ ‘ਚ ਗਿਰਾਵਟ ਨਹੀਂ ਹੈ, ਸਗੋਂ ਉਹ ਸਥਿਰਤਾ ਦਾ ਭਰਮ ਹੈ ਜੋ ETF ਪੈਦਾ ਕਰਦੇ ਹਨ।
ਵੀਰਵਾਰ 22 ਜਨਵਰੀ 2026 ਨੂੰ ਸੋਨੇ ਅਤੇ ਚਾਂਦੀ ‘ਚ ਵੱਡੀ ਗਿਰਾਵਟ ਦੇਖੀ ਗਈ ਸੀ। ਇਸ ਗਿਰਾਵਟ ਦਾ ਅਸਰ ਗੋਲਡ ਅਤੇ ਸਿਲਵਰ ETF (Gold Silver ETF Crash) ‘ਤੇ ਵੀ ਪਿਆ ਸੀ। ਹੁਣ ਇਕ ਦਿਨ ਬਾਅਦ, ਯਾਨੀ ਸ਼ੁੱਕਰਵਾਰ 23 ਜਨਵਰੀ ਨੂੰ ਸੋਨੇ ਅਤੇ ਚਾਂਦੀ ਵਿਚ ਜ਼ਬਰਦਸਤ ਤੇਜ਼ੀ ਦੇਖੀ ਗਈ। ਇਸ ਦਾ ਸਿੱਧਾ ਅਸਰ ਗੋਲਡ-ਸਿਲਵਰ ETF ‘ਚ ਵਾਧੇ ਦੇ ਰੂਪ ‘ਚ ਸਾਹਮਣੇ ਆਇਆ। ਇਕ ਪਾਸੇ MCX ‘ਤੇ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਧੀਆਂ। MCX ‘ਤੇ ਸੋਨਾ ਸਵੇਰੇ 11:36 ਵਜੇ 1,58,268 ‘ਤੇ ਟ੍ਰੇਡ ਕਰ ਰਿਹਾ ਸੀ, ਜਦਕਿ ਚਾਂਦੀ 3,35,804 ਰੁਪਏ ਦੇ ਪੱਧਰ ‘ਤੇ ਸੀ। ਦੂਜੇ ਪਾਸੇ, ਸੋਨੇ ਅਤੇ ਚਾਂਦੀ ਦੇ ਐਕਸਚੇਂਜ ਟ੍ਰੇਡਡ ਫੰਡ (ETF) 23 ਜਨਵਰੀ ਨੂੰ ਤੇਜ਼ੀ ਨਾਲ ਉੱਪਰ ਚੜ੍ਹੇ ਅਤੇ ਪਿਛਲੇ ਦਿਨ ਹੋਏ ਭਾਰੀ ਨੁਕਸਾਨ ਦੀ ਭਰਪਾਈ ਕੀਤੀ।
ਕੱਲ੍ਹ ਦੇ ਹੇਠਲੇ ਪੱਧਰ ਤੋਂ 30% ਤਕ ਦੀ ਆਈ ਤੇਜ਼ੀ
ਬੀਤੇ ਕੱਲ੍ਹ ਗੋਲਡ-ਸਿਲਵਰ ETF ‘ਚ 20 ਫੀਸਦੀ ਤਕ ਦੀ ਗਿਰਾਵਟ ਦੇਖਣ ਨੂੰ ਮਿਲੀ ਸੀ। ਵੀਰਵਾਰ ਦੇ ਹੇਠਲੇ ਪੱਧਰ ਤੋਂ ਅੱਜ ਇਹ 30 ਫੀਸਦੀ ਉੱਪਰ ਚਲੇ ਗਏ ਹਨ। ਯਾਨੀ ਸੋਨੇ-ਚਾਂਦੀ ਦੇ ETF ਵੀਰਵਾਰ ਦੇ ਨਿਊਨਤਮ ਪੱਧਰ ਤੋਂ 30% ਤਕ ਵਧੇ।
ਟਾਟਾ ਸਿਲਵਰ ETF 22 ਜਨਵਰੀ ਨੂੰ 24 ਫੀਸਦੀ ਤਕ ਡਿੱਗ ਕੇ 25.56 ਰੁਪਏ ਪ੍ਰਤੀ ਯੂਨਿਟ ‘ਤੇ ਪਹੁੰਚ ਗਿਆ ਸੀ। ਅੱਜ 23 ਜਨਵਰੀ ਨੂੰ ਇਹ 17 ਫੀਸਦੀ ਤੋਂ ਵੱਧ ਵਧ ਕੇ 33 ਰੁਪਏ ਦੇ ਦਿਨ ਦੇ ਉੱਚੇ ਪੱਧਰ ‘ਤੇ ਪਹੁੰਚ ਗਿਆ।
ਗਰੋਵ ਗੋਲਡ ETF ਫਿਲਹਾਲ ਸਾਰੇ ਗੋਲਡ ETF ‘ਚ ਟੌਪ ਗੇਨਰ (ਸਭ ਤੋਂ ਵੱਧ ਮੁਨਾਫਾ ਦੇਣ ਵਾਲਾ) ਹੈ। ਅੱਜ ਇਸ ਦੀਆਂ ਕੀਮਤਾਂ 7 ਫੀਸਦੀ ਵਧ ਕੇ 155.97 ਰੁਪਏ ਪ੍ਰਤੀ ਯੂਨਿਟ ਹੋ ਗਈਆਂ।
ਮਾਰਕੀਟ ਦੇ ਹਿਸਾਬ ਨਾਲ ਇਨ੍ਹਾਂ ਕੀਮਤਾਂ ਵਿੱਚ ਉਤਾਰ-ਚੜ੍ਹਾਅ ਜਾਰੀ ਰਹਿੰਦਾ ਹੈ। ਸੰਭਵ ਹੈ ਕਿ ਜਦੋਂ ਤੱਕ ਤੁਸੀਂ ਇਹ ਖ਼ਬਰ ਪੜ੍ਹ ਰਹੇ ਹੋਵੋ, ਕੀਮਤਾਂ ਵਿੱਚ ਫਿਰ ਤੋਂ ਬਦਲਾਅ ਆ ਗਿਆ ਹੋਵੇ।
ਨਿਵੇਸ਼ ਨੂੰ ਲੈ ਕੇ ਕੀ ਬੋਲੇ ਐਕਸਪਰਟ?
22 ਜਨਵਰੀ ਦੇ ਕ੍ਰੈਸ਼ ਬਾਰੇ ਗੱਲ ਕਰਦਿਆਂ ‘ਪੌਲ ਐਸੇਟ’ ਦੇ ਇਕੁਇਟੀ ਰਿਸਰਚ ਐਨਾਲਿਸਟ ਅਤੇ ‘129 ਵੈਲਥ ਫੰਡ’ ਦੇ ਫੰਡ ਮੈਨੇਜਰ ਪ੍ਰਸੇਨਜੀਤ ਪੌਲ ਨੇ ਕਿਹਾ ਕਿ ਅਜਿਹੇ ਦਿਨਾਂ ‘ਚ ਨਿਵੇਸ਼ਕਾਂ ਨੂੰ ਜੋ ਗੱਲ ਪਰੇਸ਼ਾਨ ਕਰਦੀ ਹੈ, ਉਹ ਸੋਨੇ ਜਾਂ ਚਾਂਦੀ ਦੀ ਕੀਮਤ ‘ਚ ਗਿਰਾਵਟ ਨਹੀਂ ਹੈ, ਸਗੋਂ ਉਹ ਸਥਿਰਤਾ ਦਾ ਭਰਮ ਹੈ ਜੋ ETF ਪੈਦਾ ਕਰਦੇ ਹਨ।
ਉਨ੍ਹਾਂ ਕਿਹਾ ਕਿ ਕੀਮਤੀ ਧਾਤਾਂ ਅਸਥਿਰ ਐਸੇਟ ਹਨ। ETF ਉਨ੍ਹਾਂ ਨੂੰ ਸਟਾਕ ਦੀ ਤਰ੍ਹਾਂ ਟ੍ਰੇਡੇਬਲ ਬਣਾਉਂਦੇ ਹਨ, ਜਿਸ ਨਾਲ ਨਿਵੇਸ਼ਕ ਰੋਜ਼ਾਨਾ ਕੀਮਤਾਂ ‘ਚ ਹੋਣ ਵਾਲੇ ਬਦਲਾਅ ‘ਤੇ ਪ੍ਰਤੀਕਿਰਿਆ ਕਰਨ ਲਈ ਉਤਸ਼ਾਹਿਤ ਹੁੰਦੇ ਹਨ। ਅਸਲੀ ਜੋਖ਼ਮ ਉਨ੍ਹਾਂ ਨੂੰ ਬਿਨਾਂ ਕਿਸੇ ਸਪੱਸ਼ਟ ਰਣਨੀਤੀ ਜਾਂ ਸਹੀ ਐਂਟਰੀ-ਐਗਜ਼ਿਟ ਪਲਾਨ ਦੇ ਖਰੀਦਣਾ ਹੈ।
‘ਆਨੰਦ ਰਾਠੀ ਸ਼ੇਅਰ ਐਂਡ ਸਟਾਕ ਬ੍ਰੋਕਰਜ਼’ ਦੀ ਐਸੋਸੀਏਟ ਡਾਇਰੈਕਟਰ ਤਨਵੀ ਕੰਚਨ ਨੇ ਸਲਾਹ ਦਿੱਤੀ ਕਿ ਨਿਵੇਸ਼ਕਾਂ ਨੂੰ ਇੱਕੋ ਵਾਰ ਸਾਰਾ ਪੈਸਾ ਲਗਾਉਣ ਦੀ ਬਜਾਏ, ਆਉਣ ਵਾਲੇ ਹਫ਼ਤਿਆਂ ਜਾਂ ਮਹੀਨਿਆਂ ‘ਚ ਹੌਲੀ-ਹੌਲੀ ਖਰੀਦਦਾਰੀ ਕਰਨੀ ਚਾਹੀਦੀ ਹੈ। ਸਿਸਟਮੈਟਿਕ ਖਰੀਦਦਾਰੀ (SIP ਵਾਂਗ) ਰਾਹੀਂ ਪੋਰਟਫੋਲੀਓ ਦਾ 5-10% ਕੀਮਤੀ ਧਾਤਾਂ ‘ਚ ਲਗਾਉਣ ਨਾਲ ਜੋਖ਼ਮ ਘੱਟ ਹੁੰਦਾ ਹੈ ਤੇ ਭੂ-ਰਾਜਨੀਤਿਕ (Geopolitical) ਅਸਥਿਰਤਾ ਦੇ ਸਮੇਂ ਫਾਇਦਾ ਮਿਲਦਾ ਹੈ।
