ਸੰਨੀ ਦਿਓਲ, ਦਿਲਜੀਤ ਦੋਸਾਂਝ, ਅਹਾਨ ਸ਼ੈੱਟੀ ਅਤੇ ਵਰੁਣ ਧਵਨ ਸਟਾਰਰ ਫ਼ਿਲਮ ‘ਬਾਰਡਰ 2’ 23 ਜਨਵਰੀ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਅਤੇ ਆਪਣਾ ਪਹਿਲਾ ਵੀਕੈਂਡ ਪੂਰਾ ਕਰ ਚੁੱਕੀ ਹੈ। ਫ਼ਿਲਮ ਨੇ ਬਾਕਸ ਆਫਿਸ ‘ਤੇ ਸ਼ਾਨਦਾਰ ਓਪਨਿੰਗ ਕੀਤੀ ਅਤੇ ਨਾਲ ਹੀ ਗਣਤੰਤਰ ਦਿਵਸ ‘ਤੇ ਵੀ ਇਸ ਦੀ ਕਮਾਈ ਬਹੁਤ ਵਧੀਆ ਰਹੀ। ਉੱਥੇ ਹੀ, ਦੁਨੀਆ ਭਰ ਵਿੱਚ ਫ਼ਿਲਮ ਨੇ ਡਬਲ ਸੈਂਚੁਰੀ (200 ਕਰੋੜ) ਲਗਾ ਲਈ ਹੈ। ਆਓ ਜਾਣਦੇ ਹਾਂ ‘ਬਾਰਡਰ 2’ ਦੀ ਘਰੇਲੂ ਅਤੇ ਵਰਲਡਵਾਈਡ ਕਮਾਈ ਬਾਰੇ।
‘ਬਾਰਡਰ 2’ ਬਾਕਸ ਆਫਿਸ ਕਲੈਕਸ਼ਨ
ਸੰਨੀ ਦਿਓਲ ਦੀ ਫ਼ਿਲਮ ਨੇ ਪਹਿਲੇ ਦਿਨ 30 ਕਰੋੜ ਰੁਪਏ ਨਾਲ ਆਪਣਾ ਖਾਤਾ ਖੋਲ੍ਹਿਆ। ਦੂਜੇ ਦਿਨ ਫ਼ਿਲਮ ਨੇ 36.5 ਕਰੋੜ ਦੀ ਕਮਾਈ ਕੀਤੀ, ਜਦਕਿ ਤੀਜੇ ਦਿਨ ਇਸ ਨੇ 54.5 ਕਰੋੜ ਰੁਪਏ ਕਮਾਏ। ਫ਼ਿਲਮ ਨੇ ਸਭ ਤੋਂ ਵੱਧ ਕਮਾਈ ਗਣਤੰਤਰ ਦਿਵਸ ‘ਤੇ ਕੀਤੀ, ਜੋ ਕਿ 59 ਕਰੋੜ ਰੁਪਏ ਰਹੀ। ਇਸ ਦੇ ਨਾਲ ਹੀ ਫ਼ਿਲਮ ਨੇ ਘਰੇਲੂ ਬਾਕਸ ਆਫਿਸ ‘ਤੇ ਕੁੱਲ 180 ਕਰੋੜ ਰੁਪਏ ਦਾ ਕਲੈਕਸ਼ਨ ਕਰ ਲਿਆ ਹੈ।
ਬਾਰਡਰ 2′ ਵਰਲਡਵਾਈਡ ਕਲੈਕਸ਼ਨ
ਘਰੇਲੂ ਬਾਕਸ ਆਫਿਸ ਦੇ ਨਾਲ-ਨਾਲ ਸੰਨੀ ਦਿਓਲ ਦੀ ਇਹ ‘ਵਾਰ ਡਰਾਮਾ’ ਫ਼ਿਲਮ ਦੁਨੀਆ ਭਰ ਦੇ ਬਾਕਸ ਆਫਿਸ ‘ਤੇ ਵੀ ਗਦਰ ਮਚਾ ਰਹੀ ਹੈ। ਫ਼ਿਲਮ ਨੇ ਚਾਰ ਦਿਨਾਂ ਵਿੱਚ ਡਬਲ ਸੈਂਚੁਰੀ ਮਾਰਦਿਆਂ 239.4 ਕਰੋੜ ਰੁਪਏ ਦਾ ਕਲੈਕਸ਼ਨ ਕਰ ਲਿਆ ਹੈ। ਇਸ ਵਿੱਚ 27 ਕਰੋੜ ਰੁਪਏ ਓਵਰਸੀਜ਼ (ਵਿਦੇਸ਼ੀ ਕਮਾਈ) ਅਤੇ 180 ਕਰੋੜ ਰੁਪਏ ਇੰਡੀਆ ਨੈੱਟ ਕਲੈਕਸ਼ਨ (ਜਿਸ ਦਾ ਇੰਡੀਆ ਗ੍ਰਾਸ ਕਲੈਕਸ਼ਨ 212.4 ਕਰੋੜ ਹੈ) ਸ਼ਾਮਲ ਹਨ।
ਬਾਰਡਰ 2 ਇੰਡੀਆ ਨੈੱਟ ਕਲੈਕਸ਼ਨ: 180 ਕਰੋੜ ਰੁਪਏ
ਬਾਰਡਰ 2 ਵਰਲਡਵਾਈਡ ਕਲੈਕਸ਼ਨ: 239.4 ਕਰੋੜ ਰੁਪਏ
ਓਵਰਸੀਜ਼ ਕਲੈਕਸ਼ਨ: 27 ਕਰੋੜ ਰੁਪਏ
ਇੰਡੀਆ ਗ੍ਰਾਸ ਕਲੈਕਸ਼ਨ: 212.4 ਕਰੋੜ ਰੁਪਏ
Border 3 ‘ਤੇ ਲੱਗੀ ਮੋਹਰ
‘ਬਾਰਡਰ 2’ ਦੀ ਇਸ ਸ਼ਾਨਦਾਰ ਸਫ਼ਲਤਾ ਨੂੰ ਦੇਖਦੇ ਹੋਏ ਮੇਕਰਸ ਨੇ ‘ਬਾਰਡਰ 3’ ‘ਤੇ ਮੋਹਰ ਲਗਾ ਦਿੱਤੀ ਹੈ। ਹਾਲਾਂਕਿ ਇਸ ਦਾ ਅਧਿਕਾਰਤ ਐਲਾਨ ਹੋਣਾ ਅਜੇ ਬਾਕੀ ਹੈ, ਪਰ ਮੇਕਰਸ ਨੇ ਇਸ ਦੇ ਤੀਜੇ ਭਾਗ ਦੇ ਆਉਣ ਦੀ ਖ਼ਬਰ ਪੱਕੀ ਕਰ ਦਿੱਤੀ ਹੈ।
ਸਟਾਰ ਕਾਸਟ ਅਤੇ ਟੀਮ
‘ਬਾਰਡਰ 2’ ਵਿੱਚ ਸੰਨੀ ਦਿਓਲ, ਦਿਲਜੀਤ ਦੋਸਾਂਝ, ਵਰੁਣ ਧਵਨ ਅਤੇ ਅਹਾਨ ਸ਼ੈੱਟੀ ਨੇ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ। ਇਸ ਫ਼ਿਲਮ ਨੂੰ ਅਨੁਰਾਗ ਸਿਨਹਾ ਨੇ ਡਾਇਰੈਕਟ ਕੀਤਾ ਹੈ, ਜਦਕਿ ਨਿਧੀ ਦੱਤਾ, ਜੇਪੀ ਦੱਤਾ, ਭੂਸ਼ਣ ਕੁਮਾਰ ਅਤੇ ਕ੍ਰਿਸ਼ਨ ਕੁਮਾਰ ਨੇ ਇਸ ਨੂੰ ਪ੍ਰੋਡਿਊਸ ਕੀਤਾ ਹੈ।
