ਮੈਂ ਸਬਕ ਸਿੱਖ ਲਿਆ ਹੈ। ਹੁਣ ਤੋਂ ਮੈਂ ਆਪਣੀ ਪਰਸਨਲ ਲਾਈਫ ਬਾਰੇ ਗੱਲ ਨਹੀਂ ਕਰਾਂਗੀ। ਵਿਚਾਰੀ ‘ਨੇਹੂ’ ਇਸ ਦੁਨੀਆ ਲਈ ਬਹੁਤ ਜ਼ਿਆਦਾ ਇਮੋਸ਼ਨਲ ਹੈ! ਚਿੰਤਾ ਨਾ ਕਰੋ, ਮੈਂ ਜਲਦੀ ਹੀ ਧਮਾਕੇ ਨਾਲ ਵਾਪਸ ਆਵਾਂਗੀ।”
ਮਸ਼ਹੂਰ ਗਾਇਕਾ ਨੇਹਾ ਕੱਕੜ ਨੇ ਰੋਹਨਪ੍ਰੀਤ ਸਿੰਘ ਨਾਲ ਆਪਣੀ ਵਿਆਹੁਤਾ ਜ਼ਿੰਦਗੀ ਅਤੇ ਤਲਾਕ ਦੀਆਂ ਚੱਲ ਰਹੀਆਂ ਅਫਵਾਹਾਂ ‘ਤੇ ਕਰਾਰਾ ਜਵਾਬ ਦਿੱਤਾ ਹੈ। ਇਹ ਅਫਵਾਹਾਂ ਨੇਹਾ ਦੀ ਇੱਕ ਸੋਸ਼ਲ ਮੀਡੀਆ ਪੋਸਟ ਤੋਂ ਬਾਅਦ ਸ਼ੁਰੂ ਹੋਈਆਂ ਸਨ, ਜਿਸ ਵਿੱਚ ਉਸਨੇ ਜ਼ਿੰਮੇਵਾਰੀਆਂ, ਰਿਸ਼ਤਿਆਂ ਅਤੇ ਕੰਮ ਤੋਂ ਬ੍ਰੇਕ ਲੈਣ ਦੀ ਗੱਲ ਕਹੀ ਸੀ। ਇਸ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਚਰਚਾ ਛਿੜ ਗਈ ਸੀ ਕਿ ਕੀ ਨੇਹਾ ਅਤੇ ਰੋਹਨਪ੍ਰੀਤ ਦੇ ਰਿਸ਼ਤੇ ਵਿੱਚ ਸਭ ਕੁਝ ਠੀਕ ਨਹੀਂ ਹੈ। ਪਰ ਹੁਣ ਨੇਹਾ ਨੇ ਖੁਦ ਸਾਹਮਣੇ ਆ ਕੇ ਇਨ੍ਹਾਂ ਗੱਲਾਂ ਦਾ ਜਵਾਬ ਦਿੱਤਾ ਹੈ।
ਨੇਹਾ ਨੇ ਕਹੀ ਸੀ ਬ੍ਰੇਕ ਲੈਣ ਦੀ ਗੱਲ:
ਸੋਮਵਾਰ ਨੂੰ ਨੇਹਾ ਨੇ ਇੰਸਟਾਗ੍ਰਾਮ ਸਟੋਰੀਜ਼ ‘ਤੇ ਕੁਝ ਨੋਟਸ ਸਾਂਝੇ ਕੀਤੇ ਸਨ, ਜਿਸ ਵਿੱਚ ਉਸਨੇ ਲਿਖਿਆ ਸੀ ਕਿ ਉਹ ਜ਼ਿੰਮੇਵਾਰੀਆਂ ਅਤੇ ਰਿਸ਼ਤਿਆਂ ਤੋਂ ਦੂਰ ਹੋਣਾ ਚਾਹੁੰਦੀ ਹੈ। ਉਸਨੇ ਪੈਪਰਾਜ਼ੀ (ਮੀਡੀਆ ਫੋਟੋਗ੍ਰਾਫਰਾਂ) ਨੂੰ ਵੀ ਬੇਨਤੀ ਕੀਤੀ ਸੀ ਕਿ ਉਸਦੀਆਂ ਤਸਵੀਰਾਂ ਨਾ ਲਈਆਂ ਜਾਣ। ਹਾਲਾਂਕਿ ਨੇਹਾ ਨੇ ਕੁਝ ਹੀ ਮਿੰਟਾਂ ਵਿੱਚ ਇਹ ਪੋਸਟਾਂ ਡਿਲੀਟ ਕਰ ਦਿੱਤੀਆਂ ਸਨ, ਪਰ ਉਦੋਂ ਤੱਕ ਤਲਾਕ ਦੀਆਂ ਅਟਕਲਾਂ ਤੇਜ਼ ਹੋ ਚੁੱਕੀਆਂ ਸਨ। ਦੱਸ ਦੇਈਏ ਕਿ ਨੇਹਾ ਅਤੇ ਰੋਹਨਪ੍ਰੀਤ ਦਾ ਵਿਆਹ ਸਾਲ 2020 ਵਿੱਚ ਹੋਇਆ ਸੀ।
ਤਲਾਕ ਦੀਆਂ ਅਫਵਾਹਾਂ ‘ਤੇ ਨੇਹਾ ਦਾ ਜਵਾਬ
ਨੇਹਾ ਨੇ ਇੱਕ ਹੋਰ ਸਟੋਰੀ ਰਾਹੀਂ ਵਿਸਥਾਰ ਵਿੱਚ ਸਫਾਈ ਦਿੱਤੀ। ਉਸਨੇ ਲਿਖਿਆ, “ਦੋਸਤੋ, ਪਲੀਜ਼ ਮੇਰੇ ਮਾਸੂਮ ਪਤੀ ਜਾਂ ਮੇਰੇ ਪਿਆਰੇ ਪਰਿਵਾਰ ਨੂੰ ਇਸ ਸਭ ਵਿੱਚ ਨਾ ਘਸੀਟੋ! ਉਹ ਸਭ ਤੋਂ ਵਧੀਆ ਲੋਕ ਹਨ ਅਤੇ ਅੱਜ ਮੈਂ ਜੋ ਕੁਝ ਵੀ ਹਾਂ, ਉਨ੍ਹਾਂ ਦੀ ਬਦੌਲਤ ਹਾਂ। ਮੈਂ ਕੁਝ ਹੋਰ ਲੋਕਾਂ ਅਤੇ ਸਿਸਟਮ ਤੋਂ ਨਾਰਾਜ਼ ਹਾਂ।”
ਉਸਨੇ ਅੱਗੇ ਲਿਖਿਆ, “ਮੈਂ ਮੰਨਦੀ ਹਾਂ ਕਿ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰਦੇ ਸਮੇਂ ਮੈਨੂੰ ਇੰਨਾ ਇਮੋਸ਼ਨਲ ਨਹੀਂ ਹੋਣਾ ਚਾਹੀਦਾ ਸੀ, ਕਿਉਂਕਿ ਮੀਡੀਆ ਵਾਲੇ ਚੰਗੀ ਤਰ੍ਹਾਂ ਜਾਣਦੇ ਹਨ ਕਿ ਰਾਈ ਦਾ ਪਹਾੜ ਕਿਵੇਂ ਬਣਾਉਣਾ ਹੈ। ਮੈਂ ਸਬਕ ਸਿੱਖ ਲਿਆ ਹੈ। ਹੁਣ ਤੋਂ ਮੈਂ ਆਪਣੀ ਪਰਸਨਲ ਲਾਈਫ ਬਾਰੇ ਗੱਲ ਨਹੀਂ ਕਰਾਂਗੀ। ਵਿਚਾਰੀ ‘ਨੇਹੂ’ ਇਸ ਦੁਨੀਆ ਲਈ ਬਹੁਤ ਜ਼ਿਆਦਾ ਇਮੋਸ਼ਨਲ ਹੈ! ਚਿੰਤਾ ਨਾ ਕਰੋ, ਮੈਂ ਜਲਦੀ ਹੀ ਧਮਾਕੇ ਨਾਲ ਵਾਪਸ ਆਵਾਂਗੀ।”
ਪ੍ਰਾਈਵੇਸੀ ਦੀ ਕੀਤੀ ਮੰਗ
ਨੇਹਾ ਨੇ ਪੈਪਰਾਜ਼ੀ ਨੂੰ ਅਪੀਲ ਕਰਦੇ ਹੋਏ ਲਿਖਿਆ ਸੀ, “ਮੈਂ ਪ੍ਰਸ਼ੰਸਕਾਂ ਅਤੇ ਪੈਪਰਾਜ਼ੀ ਨੂੰ ਬੇਨਤੀ ਕਰਦੀ ਹਾਂ ਕਿ ਮੈਨੂੰ ਫਿਲਮ ਨਾ ਕੀਤਾ ਜਾਵੇ। ਮੈਨੂੰ ਉਮੀਦ ਹੈ ਕਿ ਤੁਸੀਂ ਮੇਰੀ ਪ੍ਰਾਈਵੇਸੀ ਦਾ ਸਨਮਾਨ ਕਰੋਗੇ ਅਤੇ ਮੈਨੂੰ ਆਜ਼ਾਦੀ ਨਾਲ ਜੀਣ ਦਿਓਗੇ। ਮੈਨੂੰ ਆਪਣੀ ਸ਼ਾਂਤੀ ਲਈ ਤੁਹਾਡੇ ਸਾਰਿਆਂ ਤੋਂ ਇਹੀ ਚਾਹੀਦਾ ਹੈ।”
